Txantxangorria
(Erithacus rubecula)
Gure jarduera, batez ere, basa-animaliak erakutsi eta ikustaraztean datza, hegaztiak bereziki, egurrezko behatoki (”hide”) erosoetan babestuta. Espezieak hurbil-hurbiletik ikusi ahal izango dituzu gure beira bereziei esker. Horrek argazki ederrak ateratzeko aukera emango dizu.
Animaliak normalean nire laguntzarekin ikusiko dituzue, zenbait kasutan izan ezik, alegia, zuen kasa eta bakardadean egon nahi izatekotan. Laguntza horrek saioa aberasteko eta gorpuzteko bidea emango digu, hitzaldi baten bidez, xelebrekeriak kontaturik edota gai anitzen gaineko makina bat kontu adierazita, esaterako ingurugiroa, tokiko kultura, eta abar. Gidariaren eta bezeroen arteko elkarrekintza sustatuko da, beraz. Elkarrekin fauneatzen hobeto pasatuko dugu.
Okil Handia
(Dendrocopos major)
Garrapoa
(Sitta europaea)
Faunaren behaketa Trebiñun
Trebiñuko eskualdea zeharo interesgarria da ornitologia eta fauna alorretan, geografia eta klima aldetik trantsizio-gune garbi batean baitago. Hideetatik ikusiko ditugun espezieak sasoirik sasoi aldatuko dira, urtaroen, ugalketaren eta beste hainbat faktoreren arabera.
Mokolodia
(Coccothraustes coccothraustes)
Gure proposamenak
Lorategiko
Behatokia
Txoriak ikustea lorategiko txabolaren barrutik. Oso aproposa hasi berrientzat.
Basoko
hegaztiak
Basoaren bihotzean dagoen behatokia
Natura maite dutenentzat eta aditu handientzat aproposa, baita argazkilarientzat ere.
Ibilbidea + Fototranpeoa+behatokia
Eskaintza zabala da zeren ibilbide bat egiteaz gain “fototranpeoa” ere egiten saiatuko baikara. Bukatzeko lorategiko behatokian sartuko gara
Bestelako
proposamenak
Ingurugiroa interpretatzeko irteerak
Arrasto eta aztarnak aurkitzea, natura ibilbideak, txango ornitologikoetan laguntzea
Samiano, Condado de Treviño
Gaztela eta Leongo Turismo Jarduera sustatzeko Erroldan sartuta gaude, landaretza eta fauna behatzeko laguntza gisa. Turismo jarduera osagarria, 09/09 erregistro zenbakia.-